 |
Trango dople... ¡y china- chana! |
se torna un rio griso d´autos y bateaguas.
clamors de soleda
con chens que i chiran como toza en tamborinada.
Asinas iba yo,
y a nuei deban, -camin de guambras-, chira, chirando.
asinas, tu tan y tan luen,
tan luen ixos mons, y amas, amas, plebendo tanto.
Allora, un truen fazio esclatar a nuei,...
!y jolio con o truen!;!si yera, nina, una palabra!
Drento un bason an s´eban capuzato
blincaban dos zagals, y su mai lis carrañaba.
As bozes d´ers, y a boz de o truen tamien,
y a plebida y a fuen,charraban en a nuestra fabla.
O rudio de a ziuda se fazio mosica,
y os arbols, libros plens de fuellas, zierzo y cantas.
¡Ni os chilos de o inoran, ni o silenzio de as lais,
afogaran a boz que charra aragones!
...
¡Bai, nina, ista ziuda!...
"escuela de calor": ¡fuineta fa o bateaguas!
aqui no plebe ya,
-no plebe guaire ni plebe mica-...¡que no i plebe, maña!
¿No tornare a sentir
tamboriniar en a finestra bella tronada,
ni o tuyo nombre a dizir,
bailando en a nuei con ixas modanzas de l´augua?
...Y os truens, ¿ta qué?, si agora se prou bien
que ye mas gran que un truen o son que fan bellas palabras
Si agora se que iste país dolen
ha de fablar perén a suya -que ye a nuestra fabla-
y se tamien que no ye prou saper,
son cosa sin de chen que´en charre y biba tierra y fabla.
Fara falta luitar, fer país y charrar
¡Enta o futuro!¡trango dople ……. y ¡China-Chana!
Mesacha ¿Quiers bailar?… ¡Siento as fadas cantar!
suenio con tu e ixa escueleta en a montaña:
Tu en a pizarra yes…¡Y os que cantan son ers!:
ninos y ninas , ¡Simiens de l¨aragones!
Letra: Manuel Domínguez
Música: Miguel Sorribes